Mu skuvlaoabbá Brenda bovdii mu mielde Wings nightii. Dadjen jua, ja illudišgohten juo disdaga vuolgit dohko, vaikke in diehtán mii ipmašiid dat lea! J Áidna maid son logai, lei ahte wings night lea HUI bivnnuhis fálaldat juohke gaskavahk-eahkeda.
Wings night lei áibbas mielaheapme! Moai vulggiime Brendain čuoččehit Storehouse restoráŋŋa uvssa olggobeallái beal viđas juo, vuordit dassái rahpet uvssaid, go son dajai ahte olbmot bohtet árrat dohko. In jáhkkán go dajai ahte lea mielahis guhkes ráidu vuordime uvssa olggobealde ja ferte hui árrat boahtit vai oaččošii beavddi. In jáhkkán ovdal oidnen iežan čalmmiiguin. My goodness! Olbmot leat gusto helt jallat wings nightii mannat. Wings mearkkaša njuolggut chicken wings, namalassii vuonccáčivgga soajit, vuonccábiergu. Ja kanadalaččat ráhkistit wingsaid! Erenoamážit go mákset dušše 5 dollára 10 bihtá ovddas. Ipmirdan sin bures. Borren honey garlic wings, honnet- ja vilgeslávke-sojiid, nammenam. Máisten nai lemon pepper ja barbeque wings, muhto gávdnen mu favorihta ovttatmano. Anisa, Holly ja Layli nai bohte dohko. Mis lei hui hávski, govvedeimmet govaid, boradeimmet ja reškkiimet eahketbotta. By the way girls; Cosmopolitan drinkkat leat ruškadat dáppe! Jua, don logat riekta; ruškadat, eai rosa, nugo ruovttus. Gehččen hui skeptiska dan lásii, go ožžon ruškes drinkka, jurddašin ahte bartender lei boastut addán munnje, muhto ii fal. Cranberryjuice’a, mainna seaguhit dan, lei ruškat go njorrii lásii. Oalle ártet, go olmmoš lea hárjánan ahte dat lea albma “nieidadrinka”, go lea rosa ja go lea diekkár namma go Cosmopolitan.
Lean maiddái geahččalan spillet airhockey, diet spilla gos lea diet puck’a man fertet oažžut nuppi beavdebeali ráigái scoret. Brenda časkkii mu 7-3. Mus ii leat beare buorre čalbme-giehta-koordinašuvdna diekkár spealu speallat, nu ahte šattai dušše dien okte.
Go gearggaimet doppe die 7-áigge, de vázzáimet olggos. Olbmot ledje ain vuordime ráiddus olggobeal! Ja ráidu lei máŋgaloht mehtera guhkki! Áibbas imaš oaidnit.
Craig bođii viežžat min. Son lea Brenda oahpis, Baker Lake’as eret, seamma sajis gos Brenda. Son doalvvui buohkaid ruoktot. Mii álggos vuojašeimmet birra Iqaluitas. Ožžon oaidnit vaikke maid. Ja dál sáhtán dadjat:
I’VE BEEN ON THE ROAD TO NOWHERE! :D
Dáppe lea okta luodda, man namma lea The Road to Nowhere! Ja mun lean leamaš dan luottas! Ja mus leat duođaštusat nai dasa!
Ihttin meinet mannat kafeai Northern Lights (guovssahasat) ja boradit lunsja doppe. Lávvordaga Brenda váldá mu fárrui oažžut “facial”; muhtin sáloŋŋa addá hálbbes vai nuvttá diimmu ámádáju dikšut, sminket ja nu ain. Lean veahaš speanta, danin go Anisa ja Holly nu rámpuiga dan, erenoamážit bavssa- ja giehtavuoidasa. Dál lean duođai oahpásmuvvagoahtán olbmuide dáppe.
Lean nu váibbas, muhto diibmu lea dušše beal 10 eahkes. Mun nohkan árrat ja lihkan árrat, muhto lihkká orru áigi golláme johtilit. Orun dego livččen guhkibut dáppe orron, muhto duođas in leat vahkuge leamaš vuos. Jurddaš dan. Lean várra nu olu vásihan, dárbbašan áiggi absorberet visot. Well, buorre idja, for now.
Subscribe to:
Post Comments (Atom)
No comments:
Post a Comment