Mátki 15.febr. 2008.
Govas lea Ottawa!
Čohkkán dál Halifaxa girdišiljus ja jugadan Starbucks gáfe. Lean leamaš jođus viđa rájes iđđes Norgga áigge.
Idjadin mannan ija Oslos, Solveig risteatni luhtte. Lei nu hávski su, Toma, Thomasa ja Ingga oaidnit fas. Boraimet njálgga lasagne ja mus šadde nu nahkárat go gergen. In dáidde nohkkan ovdal gaskija, lihkkan fas 5 áigge. Tom lei nu siivui ahte doalvvui mu girdišilljui!
Oslo girdisiljus ledjen jorbbodan. Ledjen várra ain nahkáriin go ollejin dohko. Go galgen pássakontrolla čađa, de jearai nisu skráŋkka duohken gosa mun galggan. Go vástidin Canada, de geahčai munnje jorbbodan čalmmiiguin. Mun in ipmirdan maid oaivvildii, ovdal jearai “Via?” ja vástidin Oslo! De gal reškkii nisu njálgát, ovdal mun fuobmájin ahte galgen dadjat London! Bessen goit viidáset, mojiin.
Girdit ábi badjel manai johtilit! Čohkkájin hui smáđáhkes nissona guoras, gii lei Jordanis eret. Su namma lei Amal ja son nai lei oahpaheaddji. Oahpásnuvven oalle bures suinna, nu ahte attii vel iežas nummára munnje. Áigi gal golai go nie smáđáhkes mátkeolmmái lei.
Immigration Canadas lei oalle garas. Mun fertejin čájehit duođaštusa ahte lean lonohallanstudeantan, muhto ledjen guođđán báhpira goffárii. Gárten goffára vuordit measta diimmu ja šaddagohten balus ahte massán vel girdi. Dopmen immigrationii báhpiriin ja čájehin nissonii dan. Dat lei dárogillii, nu ahte ballen son ii dohkket dan, muhto das čuoččui goit juobe Nunavut Arctic College, mu namma ja ahte lei lonohallanprográmma. De gal ožžon steampila pássii. Ledjen várra veahaš balus oaidnit, go de gal moddjái dat bargi skráŋkka duohken.
Girdi lea 6 diimmu maŋŋonan!! Ja dál in olle Ottawai ovdal lagabui gaskijaáigge, de lean gohcan ja mátkkoštan jándora! Dáppe Halifaxa girdišiljus ledje ollu maŋŋoneamit ja kanselleringat odne ja dievva duhtameahttumis olbmot. In vuolgge nuppes dán girdišilljui vaikke mii de leaš. Gárten máŋga diimmu vuordit oažžut dieđuid- fertejin mannat olggos innsjekkingai ja sihtat biebmolihpu ja de fertejin vohon vázzit sihkarvuođabearráigeahču čađa, mii lea helvet, danin go mus leat nu ollu teknihkalaš rusttegat seahkas.
Lean gallás gal, go osten biepmu dan 12 dollára ovddas, maid ožžon. Olmmoš ferte utnyttet daid vejolašvuođaid maid oažžu. Bessen eske duohtadit hummera! Mannen Clearwaterii ja jerren oaččungo duohtadit ovtta hummara. Doppe lei stuora máilmme tankka dievva hummariin, sihke unnibut ja stuorrát.
Čohkkán dál Halifaxa girdišiljus ja jugadan Starbucks gáfe. Lean leamaš jođus viđa rájes iđđes Norgga áigge.
Idjadin mannan ija Oslos, Solveig risteatni luhtte. Lei nu hávski su, Toma, Thomasa ja Ingga oaidnit fas. Boraimet njálgga lasagne ja mus šadde nu nahkárat go gergen. In dáidde nohkkan ovdal gaskija, lihkkan fas 5 áigge. Tom lei nu siivui ahte doalvvui mu girdišilljui!
Oslo girdisiljus ledjen jorbbodan. Ledjen várra ain nahkáriin go ollejin dohko. Go galgen pássakontrolla čađa, de jearai nisu skráŋkka duohken gosa mun galggan. Go vástidin Canada, de geahčai munnje jorbbodan čalmmiiguin. Mun in ipmirdan maid oaivvildii, ovdal jearai “Via?” ja vástidin Oslo! De gal reškkii nisu njálgát, ovdal mun fuobmájin ahte galgen dadjat London! Bessen goit viidáset, mojiin.
Girdit ábi badjel manai johtilit! Čohkkájin hui smáđáhkes nissona guoras, gii lei Jordanis eret. Su namma lei Amal ja son nai lei oahpaheaddji. Oahpásnuvven oalle bures suinna, nu ahte attii vel iežas nummára munnje. Áigi gal golai go nie smáđáhkes mátkeolmmái lei.
Immigration Canadas lei oalle garas. Mun fertejin čájehit duođaštusa ahte lean lonohallanstudeantan, muhto ledjen guođđán báhpira goffárii. Gárten goffára vuordit measta diimmu ja šaddagohten balus ahte massán vel girdi. Dopmen immigrationii báhpiriin ja čájehin nissonii dan. Dat lei dárogillii, nu ahte ballen son ii dohkket dan, muhto das čuoččui goit juobe Nunavut Arctic College, mu namma ja ahte lei lonohallanprográmma. De gal ožžon steampila pássii. Ledjen várra veahaš balus oaidnit, go de gal moddjái dat bargi skráŋkka duohken.
Girdi lea 6 diimmu maŋŋonan!! Ja dál in olle Ottawai ovdal lagabui gaskijaáigge, de lean gohcan ja mátkkoštan jándora! Dáppe Halifaxa girdišiljus ledje ollu maŋŋoneamit ja kanselleringat odne ja dievva duhtameahttumis olbmot. In vuolgge nuppes dán girdišilljui vaikke mii de leaš. Gárten máŋga diimmu vuordit oažžut dieđuid- fertejin mannat olggos innsjekkingai ja sihtat biebmolihpu ja de fertejin vohon vázzit sihkarvuođabearráigeahču čađa, mii lea helvet, danin go mus leat nu ollu teknihkalaš rusttegat seahkas.
Lean gallás gal, go osten biepmu dan 12 dollára ovddas, maid ožžon. Olmmoš ferte utnyttet daid vejolašvuođaid maid oažžu. Bessen eske duohtadit hummera! Mannen Clearwaterii ja jerren oaččungo duohtadit ovtta hummara. Doppe lei stuora máilmme tankka dievva hummariin, sihke unnibut ja stuorrát.
No comments:
Post a Comment