Ledjen Laakkuluka guossis, son lei bovden mu gaskabeivviide. Doppe deiven nai Heidi, Laakkuluka olbmá, Gela, ránnjá, ja Akutaq, Laakkuluka ja Stevena nieiddaža. Boraimet cariboubierggu, ja máisten vuosttaš geardde “eskimo-icecream”. Laakkuluk čilgii ahte dat lea “caribou back fat mixed with berries”, bohccobuoidi ja muorjjit. Lei goit ihán njálggat! Ledjen buohcan olles vahku ja dan lávvordaga, go borren Laakkuluka dahkan njálgga biepmu, de dearvvašnuvven, lean áibbas sihkar ahte dainna dearvvašnuvven.
Ožžon geahččalit Laakkuluka atigi! Dat lei dego beaska, beare das lei heahtta. Dat lei hervejuvvon geatkenáhkiin! Dáppe atnet sihke geatkki, gumppe ja jiekŋaguovžža náhki biktasiid ávnnasin. Heidi lei divodeame buvssaid ráhkaduvvon jiekŋaguovžžanáhkis - polarbearpants.
Laakkuluk su atigiin
No comments:
Post a Comment