Dál lean oastán njuorjonáhkkefáhcaid. Lean gávdnan ovttaid báraid kamihkaid, muhto in leat vel oastán daid, go áiggun ihttin iskat nissonolbmuid duodjemárkanis ovdal mearridan. Mánnodaga álggán cultural studies kursii, gos galgat duddjot juoidá ja čállit vel dan birra. Lean jurddašan parkas’a (jáhka) goarrut. Carlene, gii lea fitnan Guovdageainnus, válddii mu fárrui su eatni rámbuvrii ja bessen geahččalit feara maid. Govat leat váldon das. Carlene cealka olu dearvvuodaid goaskai ja earaide geaid dovda Guovdageainnus. Son muitala ahte su nieiddas liiko su gapmagiidda, maid Carlene osttii go lei Guovdageainnus.
Muhto sulástahtán qaalluunaid dál eambbo go ovdal, go lean fitnan vuoktačuohppi luhtte. Dál lean oainnat čuvgesvuovttat, blonda njuolggut! Lei nu buorre vuovttaid oanidit, ja hálbái vel bessen, go lei vuoktačuohppiklássa-oahppi gii čuohpai.
Dál lea čielgan ahte mun logaldalan sápmelaččaid (ádjá, máttarádjá ja máttaráhku ja daid earáid) mátkki birra deike Baffin-sullui! Njukčamánu 18. beaivve lea museas logaldallan!
Ja disdaga galggan mannat silbačeahppiklássii muitalit sámi dujiid ja silbbaid birra! Lean eakti sámi ambassadevra dáppe!
No comments:
Post a Comment